SIZMIKU

SIZMIKU (Seismic)

Saida mak Ita bo’ot  konyese    sizmiku ?

Hayooooo…………….! Sizmiku nee saida ?

Ok  diak, hau hakarak koalia ouitoan konaba sizmiku. Hanesan iha pazina jeofizika hau hateten tiha ona katak metodu jeofizika hanesan intrumentu ida nee mak uja hodi hare strutura geolojia iha rai okos nebee ita labele hare ho matan molik. Metodu nebee mak uja iha siensia jeofizika nee barak hanesan, Geoelektrik,   Gravity, Magnetiku, sizmiku no seluk-seluk tan. Maibe iha nee hau koalia konaba saida mak Sizmiku,…… Ok…!  

Sizmiku katak metodu ida istuda konaba istrutura iha rai okos liu ondas husi sizmiku. Ondas sizmiku husi nebee …..? Pergunta diak tebes……!

Ondas sismika mosu wainhira akontese rai nakadoko. Rai nakadoko husi natureza no mos bele aktividade ema nian.  Aktividade ema nian hanesan kareta halai ba mai iha dalan hamosu rai nakadoko. Harahun dinamit iha rai okos no aktividade seluk tan.

Ohhhh……Ya……depois ita identifika strutura geolojia iha rai okos oinsa ? No tamba saida mak ita halo kolen an buka strutura geolojia atu halo saida ?

Diak perguntas nebee mak kapasa los ita atu debate iha nee ….!

Atu identifika ida nee ita tenkiser manda ondas sizmiku ba rai laran depois ondas sizmiku rekorda  fila-fali sai hanesan dadus sizmiku. Liu husi dadus sizmiku nee ita halo processing no interpretasaun. Iha metodu sizmiku hare husi nia fonte fahe ba rua mak :

 Metodu aktivu no 

 Metodu pasivu

Metodu aktivu katak metodu nebee mak uja ondas sizmiku husi natureja rasik, ejemplu wainhira akontese rai nakadoko hamosu ondas sizmiku.

Segundu mak, metodu pasivu katak metodu nebee mak nia fonte kria rasik husi ema, ejemplu harahun dinamit iha rai okos, uja martelu, truck vibrator no seluk tan. Dala barak iha survei sizmiku uja metodu pasivu, karik uja metodu aktivu ita lahtene bainhira mak akonte rai nakadoko no nia fontes iha nebee.

Imj. Fonte sizmiku uja martelu

Iha fonte tenkiser iha rekorder, iha metodu sizmiku rekorder uja iha rai maran lahanesan iha be lara. Intrumentu rekordasaun nebee mak uja iha rai maran Jeofon no iha be laran uja Hidrofon.

Imj. Hidrofon

Imj. Jeofon

Tuir mai hanesan skema metodu sizmiku iha kampu :

Imj. Survu Sizmiku iha rai maran

Imj. Survei siziku iha be laran

Depois hetan dadus sizmiku agora ita halo processing atu halo onterpretasaun. Iha interpretasaun nee ita belee identifika ita nia tarjetu nee iha kualidade ga lae. Iha ita nia tarzetu nee ita buka uma hidrokarbonetus. Karik ita hetan sistema hidrikarbonetus iha kualidade no iha duni akumulasaun hidrokarbonetus ita kontinua halo eksplorasaun.

Imj. Tarzetu